بحر البقر .. 42سنة مرت فهل من متذكر

بم إن انهارده ذكرى قذف بحر البقر 4 أبريل 1970

فده تذكير بسيط عن الحادثة دي :

الدرس انتهى لموا الكراريس

بالدم اللي على ورقهم سال

في قصر الأمم المتحدة

مسابقة لرسوم الأطفال

إيه رأيك في البقع الحمرا

يا ضمير العالم يا عزيزي

دي لطفلة مصرية سمرا

كانت من أشطر تلاميذي

دمها راسم زهرة

راسم راية ثورة

راسم وجه مؤامرة

راسم خلق جبارة

راسم نار

راسم عار

ع الصهيونية والإستعمار

والدنيا اللي عليهم صابرة

وساكتة على فعل الأباليس

الدرس انتهى

لموا الكراريس

إيه رأي رجال الفكر الحر

في الفكرة دي المنقوشة بالدم

من طفل فقير مولود في المر

لكن كان حلو ضحوك الفم

دم الطفل الفلاح

راسم شمس الصباح

راسم شجرة تفاح

في جناين الاصلاح

راسم تمساح

بألف جناح

في دنيا مليانة بالأشباح

لكنها قلبها مرتاح

وساكتة على فعل الأباليس

انتهى الدرس

لموا الكراريس

إيه رأيك يا شعب يا عربي

إيه رأيك يا شعب الأحرار

دم الأطفال جايلك يحبي

يقول انتقموا من الأشرار

ويسيل ع الأوراق

يتهجى الأسماء

ويطالب الأباء

بالثأر للأبناء

ويرسم سيف

يهد الزيف

ويلمع لمعة شمس الصيف

في دنيا فيها النور بقى طيف

وساكتة على فعل الأباليس

الدرس انتهى

لموا الكراريس

مجزرة بحر البقر غاره جويه عملها الطيران الاسرائيلى فى 8 ابريل 1970 , فى وقت حرب الاستنزاف , لما ضربت مدرسة بحر البقر فى قرية بحر البقر اللى فى مركز الحسينيه فى محافظة الشرقيه فى مصر. اسرائيل قالت ان الهدف كان ضرب مطار أو قاعده عسكريه فى الدلتا حيث ان القياده المصريه كانت بتخفى القواعد و المطارات العسكريه فى المناطق الريفيه جنب القرى. الغاره حصلت فى الساعة 9:20 يوم الاربع الصبح لما ضربت طياره فانتوم اسرائليه المدرسه اللى كان حاضر فيها حوالى 150 طفل , اللى عباره دور واحد متكونه من تلت فصول, بالصواريخ و سوتها ع الارض و قتلت 46 و اصابت حوالى 50 طفل مصرى.

جاءت هذه المجزرة استكمالا لسلسلة المجازر التي ارتكبتها إسرائيل آنذاك بالدول العربية المجاورة.

الزمان

الساعة التاسعة وعشرون دقيقة من صباح يوم الأربعاء 8 أبريل 1970م، الموافق للثاني من صفر عام 1390 هـ.

المكان

مدرسة بحر البقر الابتدائية المشتركة التي تقع بزراعة 2ببحرالبقر بمركز الحسينية –محافظة الشرقية (شمال شرق القاهرة، ).

تكوين المدرسة

‏ المدرسة تتكون من دور واحد وتضم ثلاثة‏ فصول، وتلاميذها ‏150‏ طفلا‏.‏

أداة العدوان

طائرات الفانتوم الأمريكية الصنع.

وسيلة الدمار

تم نسف المدرسة المكونة من 3 فصول بواسطة : خمس قنابل وصاروخين

ناتج الجريمة

استشهاد نحو ثلاثين طفل.

إصابة أكثر من خمسين طفلاً بجروح وإصابات بالغة خلفت عدداً من المعوقين

تدمير بناء المدرسة وتسويته بالأرض.

يا ترى احنا انهاردة افتكرناهم ولا

لمينا الكراريس من زمان ؟

Posted in: وللقلم رأي